Коалицијата на здруженија на граѓани Сите за правично судење е формална мрежа во која на доброволна основа членуваат здруженија на граѓани од Република Северна Македонија заради следење на судските процеси пред надлежните судови, со цел осигурување на загарантираните права за правично судење како е предвидено со Уставот, законите и ратификуваните меѓународни договори, зголемување на јавната свест и зајакнување на довербата на граѓаните во институциите на системот, посочување на потребата и работа на можните реформи во судските постапки, зголемувањето на практичните знаења на студентите на право, зајакнување на улогата и капацитетот на граѓанските организации и друго. Коалицијата воедно се залага за еднаков пристап до правдата на сите граѓани преку давање на бесплатна правна помош.