Јавен оглас за ангажман на проектен координатор

Коалиција „Сите за правично судење“ објавува оглас за ангажман на проектен координатор со полно работно време во извршната канцеларија во Скопје. Бараме мотивирано, одговорно и посветено лице кое ќе се приклучи на тимот во спроведување на активности поврзани со владеење на правото, судски реформи, човекови права и антикорупциски политики.

Позицијата е наменета за лице кое има способност за организација и координација на повеќе активности истовремено, самостојност во работењето, како и интерес за работа во динамична организациска средина со интензивна комуникација со институции, донатори, експерти и граѓански организации.

Ангажманот е со времетраење од 9 месеци, почнувајќи од 01.06.2026 година, со можност за продолжување.

Потребни квалификации:
• Завршено високо образование – Правен факултет со најмалку 180 ЕКТС;
• Најмалку 2 години работно искуство во граѓанскиот сектор;
• Искуство во координација и имплементација на проекти ќе се смета за предност;
• Одлични организациски, комуникациски и аналитички вештини;
• Одлично познавање на македонски и англиски јазик (усно и писмено);
• Напредно познавање на MS Office пакетот;
• Способност за самостојна и тимска работа;
• Способност за работа во динамична средина и почитување рокови.

Работни обврски:
• Планирање, координирање и спроведување на активности во рамки на проектите на организацијата;
• Следење на реализацијата на проектните активности согласно утврдените рокови и индикатори;
• Комуникација и координација со институции, донатори, партнери, експерти и други засегнати страни;
• Подготовка на проектни извештаи, административна и проектна документација;
• Организација на состаноци, јавни настани, обуки и други проектни активности;
• Поддршка при подготовка на анализи, проектни апликации и други програмски документи.

Што нудиме:
• Работа во искусен и препознатлив тим со долгогодишно искуство во областа на владеење на правото и судските реформи;
• Вклученост во значајни процеси поврзани со правосудството, човековите права и антикорупциските политики;
• Можност за професионален развој, стекнување практично искуство и директна соработка со домашни и меѓународни институции и организации;
• Динамична и колегијална работна средина;
• Можност за продолжување на ангажманот по истекот на договорот.

Финансиски надоместок:
За ангажманот е предвиден месечен бруто надоместок во износ од 98.000 денари.

Начин на аплицирање:
Заинтересираните кандидати треба да достават кратка биографија (CV) и мотивациско писмо на e-mail: hr@caft.org.mk, со назнака: „Апликација за проектен координатор“.

Рокот за аплицирање е до 25.05.2026 година (понеделник) до 23:59 часот. Ненавремените и нецелосните апликации, како и апликациите кои нема да го следат наведениот формат, нема да бидат разгледувани.

По административната проверка, Коалицијата ќе изврши евалуација на пристигнатите апликации врз основ на релевантното искуство и квалификации на кандидатите. Кандидатите кои ќе влезат во потесен избор ќе бидат повикани на интервју, по што ќе биде извршена финалната селекција.