Овој проект е во насока на зајакнување на капацитетите на Коалицијата „Сите за правично судење‘‘ и се фокусира на имплементација на нашите препораки кои се резултат на повеќегодишниот процес на набљудување на судења за случаи поврзани со организиран криминал воопшто, а особено на трговија со луѓе и корупција. Потребата за ангажман на Коалицијата во една ваква активност произлегува од препораките од извештајот од 2008 година за мониторинг на судењата од страна на Коалицијата.  Главната цел на проектот е да придонесе кон зајакнување на улогата на судството со цел соодветно да се третираат правните и институционални потреби во борбата со организираниот криминал. Преку одржување на тркалезни маси, зајакнување на соработката на државните институции со граѓанскиот сектор и одржување на состаноци со релевантни институции ќе се придонесе кон остварување на основната цел на овој проект.