Коалицијата „Сите за правично судење“ го спроведе проектот „ Зајакнување на капацитетите на локалната самоуправа за управување со човечки ресурси“ доделен преку Институт за европска политика – Скопје (ЕПИ), со финансиска поддршка од Европска Унија. Проектот се спроведува во рамки на проектот WeBER 2.0 Зајакнување на граѓанското општество од Западниот Балкан за реформирана јавна администрација. Општата цел на проектот е подобрување на процесот на вработување во јавната администрација, како предуслов за обезбедување подобар квалитет на услугите кон граѓаните. Во рамки на проектот преку ангажирање на анкетари беа прибрани и обработени податоци од 3 единици на локална самоуправа (Карпош, Аеродром и Шуто Оризари). По анализата и обработката на податоците беше објавена анализа за состојбата со вработувањето во јавните служби, начинот и постапката за утврдување на нивото на напредок на вработените, како и следењето на СИГМА начелата при управување со човечки ресурси.