Коалиција „Сите за правично судење“ го спроведе проектот „Проценка на судските реформи и ефикасноста на судското постапување“. Основната цел на проектот е да придонесе кон зајакнување на независноста, ефикасноста и објективноста на судството во Република Македонија како и да ја поттикне правилната имплементација на судските реформи дефинирани со стратешките документи за Евроинтеграција на земјата. како предвидени активности во рамки на овој проект се: набљудување на судските постапки, организација на работилница и изготовка на аналитички извештај. Целната група на проектот се состои од основните судии низ Републиката, апелационите судови, јавното обвинителство, Министерство за правда, Академијата за обука на судии и јавни обвинители и нивни заменици на РМ, Министерство за внатрешни работи, Секретаријатот за ЕУ интеграции како и пошироката јавност.