Коалиција „Сите за правично судење“ во 2021 година спроведе евалуација на квалитетот на законската рамка, односно законските прописи кои го регулираат проблемот на илегална миграција, со цел да се детектираат законски пропусти и ситуации кои не се регулирани со закон. Општата цел на проектот е да се даде поддршка на реформските процеси во однос на имплементацијата на меѓународните стандарди за човекови права на мигрантите во Северна Македонија. Во рамките на проектот беше спроведено теренско и деск истражување за начинот на постапување во вакви случаи, односно имплементација на законските решенија во пракса, со цел да се увиди казнената политика и начинот на постапување во случаи поврзани со илегална миграција. Како резултат на истражувањето беше изготвена и јавно објавена анализа за детектираните состојби.