![usa embassy](https://all4fairtrials.org.mk/wp-content/uploads/2023/06/PR-USA.jpg)
Подобрување на учеството на засегнатите страни во процесот на реформи во правосудство
01/09/2023Независност преку отчетност - следење и проверка на судската одговорност во Северна Македонија
Целите на овој проект се во насока на зголемување на транспарентноста и отчетноста на работата на Судскиот совет на Република Северна Македонија при спроведување на дисциплински постапки за утврдување на одговорност на судија или претседател на суд. Со тоа ќе се влијае да се намали просторот за политичко и друго несоодветно влијание врз судиите и судството. Во рамки на проектот ќе биде направена евалуација на 20 дисциплински постапки во кои е донесена одлука за разрешување на судија или претседател на суд. Преку систематизирање и анализа на податоците ќе се формираат заклучоци и препораки за подобрување на ефективноста, ефикасноста и правичноста на постапките за утврдување на одговорност на судија, а дополнително ќе се спроведат и консултации со релевантните чинители за подготовка на сеопфатна анализа. Овој проект ќе овозможи да се унапреди надзорната и контролната улога што Судскиот совет ја има во насока на обезбедување на независност и професионалност во работењето на судиите.