Коалицијата „Сите за правично судење“ го спроведува проектот ,,Зајакнување на независноста, транспарентноста и ефикасноста на судството преку мониторирање на судски постапки,, кој е продолжение на мониторинг активностите од изминатата година.

Акцентот е ставен на примената на новиот Закон за кривична постапка, воедно предвидено е да петнаесет стручни лица присуствуваат на 450 рочишта во основните судови, во сите четири апелациски региони на земјата, со цел за изготвување на финален извештај, кој ќе биде презентиран на пошироката стручна јавност и кој ќе содржи препораки за идни активности со цел јакнење на капацитетите на судството. Основната цел на проектот, но и на самата анализа е да се зајакне независноста, ефикасноста и непристрасноста на македонското судство.