Коалиција „Сите за правично судење“ во соработка со Фондација Отворено општество-Македонија го спроведе проектот „Зајакнување на капацитетите на истражувачките новинари во областите од Поглавјето 23, а со фокус на правосудството“. Целта на проектот е зајакнување и унапредување на капацитетите на новинарите во областите од Поглавјето 23, а со фокус на правосудството, со што ќе се придонесе во објективно и непристрасно информирање на јавноста и документирање на исполнувањето на обврските на земјата и спроведените реформски процеси, како предуслов за пристапување на РСМ кон ЕУ. Во рамките на проектот беа одржани 6 тематски обуки за новинари од страна на домашни и меѓународни експерти. Воедно, десетте новинари кои беа ангажирани во овој проект, изготвија 10 истражувачки стории на теми од областа на правосудството.