Коалицијата „Сите за правично судење“ ја спроведе Програмата за набљудување на судски предмети во врска со корупцијата во Република Македонија. Главната цел на проектот е преку набљудување на судски предмети и анализа на добиените податоци да се придонесе кон подобра судска ефикасност и исполнување на меѓународните стандарди за фер и правично судење како и да се информира јавноста за казненопоправниот одговор на судството во делот на организираниот криминал и корупцијата. Како дел од проектните активности беше спроведена и дводневна работилница во соработка со Академијата за судии и јавни обвинители, а беа направени и разговори/интервјуа со судии од кривичната област. На крајот на проектот објавена е анализа со податоците од мониторингот.