Проектот за следење на судски предмети од областа на корупцијата се спроведува низ судовите на Република Македонија. Неговата реализација се базира на набљудување на повеќе од 150 коруптивни предмети низ основните судови, врз основа на што се извлекуваат заклучоци за ефикасноста на надлежните органи во борбата против корупцијата, но и за почитувањето на човековите слободи и права, гарантирани со Уставот и законот, пред судовите во кривичната постапка.

Главната цел на проектот е зајакнување на независноста, ефикасноста и непристрасноста на македонското судство во борбата против корупцијата и организираниот криминал и да се придонесе кон правилно спроведување на судските реформи како што е дефинирано во стратешките документи на земјата за интеграција во ЕУ. Во рамки на проектните активности беше спроведена судска мониторинг програма во која  беа следени од 100 до 150 случаи поврзани со кривични дела на корупција и организиран криминал. Исто така беа организирани работилници со соодветните институции кои работат во областа на корупцијата и организираниот криминал. На крајот на проектот беше објавен аналитички извештај за детектираните состојби.