Коалиција „Сите за правично судење“ во 2022 година со поддршка од Европската Унија започна да ја импелементира Годишната програма за работа како дел од Стратешкиот план 2022-2026 година. Општата цел на Годишната програма е да се даде придонес во процесот на судски реформи во однос на критериумите за пристапување поставени во Поглавјата 23 и 24 во правото на ЕУ.

Во рамки на програмата, Коалицијата спроведува мониторинг на судски постапки што се водат пред основните судови во Р. Северна Македонија, мониторинг на седниците на Судскиот совет и Советот на јавни обвинители на РСМ како и организира работни состаноци со релевантни чинители од областа на правосудниот систем. Како резултат на овие активности, Коалицијата изготвува и објавува анализи и извештаи за констатираните состојби. Како втора компонента на овој проект е овозможување на граѓаните поедноставно да се запознаат со работата на државните органи и институции преку организирање на различни дискусии по одредени прашања. Воедно, Коалицијата се залага и за надградба на капацитетите и вештините на младите правници.