Коалиција „Сите за правично судење“ со финансиска поддршка на Мисијата на ОБСЕ во Скопје, имплементира проект кој што ја унапредува транспарентноста на Основниот кривичен суд во Скопје преку анонимизација и објава на судски одлуки. Во рамки на проектот се ангажирани 5 искусни правници како анонимизирачи на судски одлуки кои во период од 9 месеци ќе анонимизираат најмалку 1500 судски одлуки. Судските одлуки кои ќе бидат анонимизирани ќе бидат јавно објавени на веб страната на судот.