Коалиција „Сите за правично судење“ спроведе проект за доближување на работата на полицијата до младите, хуманизација на обостаниот однос и создавање критичка свест за односот со полицијата и органите на редот, а со цел почитување на правната државa и рушење на стереотипите за односот на младите кон полицијата.  Проектните активности беа во насока на запознавање на младите со Законот за малолетничка правда, Законот против прекршоците за јавениот ред и мир и поголемо почитување на човековите права.

Во овој проект целна група се млади активисти на возраст од 16 до 24 години, граѓани на Р. Македонија. Во рамки на проектот беа одржани обуки и едукација на 125 млади од Република Македонија. Со овој проект се овозможува создавање на критична група активисти кои ќе влијаат во својата микро средина на доближувањето на односот на младите со полицијата и обратно како и подигање на општата свест кај населението за човековите права и слобoди и владеењето на правото.