Целта на овој проект што го имплементира Коалицијата е да се направи идентификација на фактичката состојба преку постојан мониторинг на предметите од областа на трговија со луѓе, посредување во вршење на проституција и криумчарење на мигранти од една страна, како и анализа на проблемите поврзани со правната регулатива и нејзината интерпретација во практиката на судовите во Република Македонија. Во рамки на проектот се врши мониторинг на судски постапки, се спроведуваат интервјуа со главните актери во постапката (судии, јавни обвинители, адвокати и претставници на МВР), во однос на некои проблеми во текот на постапките и на крајот е објавен детален извештај за детектираните состојби.