Проектот на УСАИД за правна заштита на жените е имплементиран од страна на Здружение за еманципација, солидарност и еднаквост на жените – ЕСЕ во партнерство со Отворена Порта – Ла Страда Македонија и Коалицијата „Сексуални и здравствени права на маргинализирани заедници ” а со користење на капацитетите на Коалицијата „Сите за правично судење” во набљудување на судски предмети.

Основна цел на проектот е обезбедување на соодветна правна заштита на жените жртви на насилство и дискриминација, вклучувајќи го семејното насилство, сексуалното насилство, трговијата со жени и сексуалните работнички. Во периодот 2015 – 2017 се започна набљудување во кривична и граѓанска постапка за заштита на жените жртви на насилство и тоа со посебен фокус на жените жртви на семејно насилство , сексуално насилство, жртви на трговија со луѓе и жени кои се занимаваат со сексуална работа.