Коалиција „Сите за правично судење“ започна со имплементација на проектот „Подобрување на учеството на засегнатите страни во процесот на реформи во правосудство“ кој е финансиски поддржан од Амбасадата на САД во Република Северна Македонија. Проектот има за цел да овозможи унапредување на квалитетот и обемот на учеството на судиите и јавните обвинители во процесот на измени на Законот за кривичната постапка и други релевантни закони од областа на кривичното право, а во насока на унапредување на судската ефикасност.