Коалиција „Сите за правично судење“ во партнерство со Мисијата на ОБСЕ во Скопје реализира проект кој се базира на пружање поддршка на Основниот кривичен суд Скопје во процесот на анонимизација и објавување на судските одлуки како и следење на имплементацијата на меѓународните стандарди за фер и правично судење со употреба на дигитални алатки во 5 основни судови кои се опремени од Мисијата на ОБСЕ во Скопје (Основен кривичен суд Скопје, Основен граѓански суд Скопје, Основен суд Штип, Основен суд Кавадарци и Основен суд Струмица).

Во рамки на проектот ангажирани се 3 правници како анонимизирачи на судски одлуки кои ќе треба да анонимизираат најмалку 1800 судски одлуки, како и 5 правници како професионални судски набљудувачи кои ќе треба да следат 250 рочишта за главна расправа од кривична и граѓанска област. Со овој проект се унапредува транспарентното работење на Основниот кривичен суд во Скопје како се и зајакнува начелото на јавност во судските постапки пред основните судови во Република Северна Македонија.