ТИМ НА ИЗВРШНА КАНЦЕЛАРИЈА

Натали Петровска е извршна директорка на Коалицијата од 2017 год. Работи како адвокатка од 2008 год., а нејзиното повеќегодишно професионално искуство се состои од обезбедувањето бесплатна правна помош и советување, толкување на закони и подзаконски акти, застапување пред надлежни судови и државни органи, како и пред Европскиот суд за човекови права, а воедно и активно учество во повеќе работни групи за измена и подготовка на закони и стратегии од областа на правосудството. Нејзината специјалност е кривичното право, а истата е и авторка на повеќе трудови и анализи од кривично правната област, со посебен осврт на примена на кривичната постапка во домашните судови како и начелото на фер и правично судење.

email: npetrovska@all4fairtrials.org.mk

Даниел Митковски е Финансиски и административен менаџер во Коалицијата од 2006 година па се до денес. Неговото 15-годишно професионално искуство во невладиниот сектор во областите на финансиски менаџмент, администрација, дизајн, менаџмент на интернет мрежи и бази на податоци придонесува за развој и унапредување на организацијата во овие области. Неговите клучни одговорности вклучуваат планирање и менаџирање буџети, спроведување на процедури за рботни односи и административни задачи како спроведување набавки како и обезбедување консалтинг во областа на бази со податоци.

email: dmitkovski@all4fairtrials.org.mk

Дарко Аврамовски е член на Националната канцеларија на Коалицијата „Сите за правично судење“ од февруари 2016г. како проектен асистент. Покрај залагањата за правично судење, работи и на едукација на млади луѓе (средношколци и студенти) најпрвин како тренер по дебатни вештини, а подоцна како предавач по “Street Law” програмата, наменета за запознавање на младите со основите на државата и правото, правната култура, граѓански и човекови права и обврски и нивна заштита. Во текот на своето додипломско образование, како стипендист на CMEPIUS поминува две години студиски престој на Правниот факултет при Универзитетот во Љубљана, а по дипломирањето се запишува на постдипломски студии од областа на казненото материјално право на Правниот факултет „Јустинијан Први“ во Скопје.

email: davramovski@all4fairtrials.org.mk

Ивана Петковска е магистер по правни науки од областа на финансовото право и финансиите. Член на тимот на извршната канцеларија на Коалицијата „Сите за правично судење“ е од јануари 2018 година, а како набљудувач е вклучена од 2017 година. Покрај ангажманот во Коалицијата е и предавач-тренер на програмата Учиме право од Младинскиот Образовен Форум наменета за средношколци преку која програма се запознаваат младите со човековите права, демократија, правниот систем на Република Македонија.

email: ipetkovska@all4fairtrials.org.mk

Лејла Тутиќ е дипломиран правник а воедно и студент на постдипломски студии од областа на казненото материјално право на Правниот факултет “ Јустинијан Први” во Скопје . Член на тимот на извршната канцеларија на Коалицијата Сите за правично судење е од 01.01.2019 година а како набљудувач ангажирана е од октомври 2018 година. Дополнително ангажирана е во Младински Образовен Форум во својство на предавач на програмата Учиме право (Street Law) од 2015 година, која што програма е наменета за средношколци и насочена кон нивна едукација за човековите, граѓански и политички слободи и права, демократијата и концептот на владеење на правото, Европската унија и процесот на евроинтеграција на Република Македонија.

email: ltutic@all4fairtrials.org.mk